എസ്എസ് ഇന്നൊവേഷന്‍സ് ഇന്റര്‍നാഷണല്‍ നാസ്ഡാക്കില്‍ ലിസ്റ്റ് ചെയ്തു 

കൊച്ചി: തദ്ദേശീയമായി രൂപകല്‍പ്പന ചെയ്ത എസ്എസ്‌ഐ മന്ത്ര സര്‍ജിക്കല്‍ റോബോട്ടിക് സിസ്റ്റത്തിന്റെ നിര്‍മാതാക്കളായ എസ്എസ് ഇന്നൊവേഷന്‍സ് ഇന്റര്‍നാഷണല്‍ അമരിക്കന്‍ സ്‌റ്റോക്ക് മാര്‍ക്കറ്റായ നാസ്ഡാക്കില്‍ ലിസ്റ്റു ചെയ്തു. കമ്പനിയുടെ ഓഹരികള്‍ ‘എസ്എസ്‌ഐഐ’ എന്ന ടിക്കര്‍ ചിഹ്നത്തില്‍ ലിസ്റ്റുചെയ്തു കൊണ്ട് 2025 ഏപ്രില്‍ മാസത്തില്‍ വ്യാപാരം ആരംഭിക്കാനാണ് ലക്ഷ്യമിടുന്നത്. പുതിയ നേട്ടത്തോടെ എസ്എസ് ഇന്നൊവേഷന്‍സ് ഇന്റര്‍നാഷണല്‍ ആഗോള വിപുലീകരണത്തിന് ഒരുങ്ങുകയാണെന്ന് കമ്പനി വൃത്തങ്ങള്‍ അിയിക്കുന്നു.2023നെ അപേക്ഷിച്ച് 3.5 മടങ്ങ് വര്‍ധനയോടെ എസ്എസ് ഇന്നൊവേഷന്‍സ് ഇന്റര്‍നാഷണലിന്റെ വരുമാനം 2024 ല്‍ 20.6 മില്യണ്‍ ഡോളറായി ഉയര്‍ന്നു. എസ്എസ് ഇന്നൊവേഷന്‍സ് ഇന്റര്‍നാഷണല്‍ 2024 ഡിസംബര്‍ 31 ന് അവസാനിച്ച വര്‍ഷത്തില്‍ ശ്രദ്ധേയമായ സാമ്പത്തിക വളര്‍ച്ചയോടെ 20.6 ദശലക്ഷം ഡോളറിലെത്തി. 200+ റോബോട്ടിക് കാര്‍ഡിയാക് നടപടിക്രമങ്ങള്‍ ഉള്‍പ്പെടെ എസ്എസ്‌ഐ മന്ത്രം ഉപയോഗിച്ച് 3,700ലധികം ശസ്ത്രക്രിയകളാണ് നടത്തിയിട്ടുള്ളത്.

ഇന്ത്യയിലെ 75 ഇടങ്ങളിലായി 80 ആശുപത്രികളില്‍ സ്ഥാപിച്ചിരിക്കുന്ന പേറ്റന്റ് നേടിയ എസ്എസ്‌ഐ മന്ത്ര സര്‍ജിക്കല്‍ റോബോട്ടിക് സിസ്റ്റം ഉപയോഗിച്ച് നേപ്പാള്‍, ഇക്വഡോര്‍, ഗ്വാട്ടിമാല, ഫിലിപ്പീന്‍സ്, ഇന്തോനേഷ്യ, ശ്രീലങ്ക, ഉക്രെയ്ന്‍ എന്നിവയുള്‍പ്പെടെയുള്ള രാജ്യങ്ങളില്‍ പ്രവര്‍ത്തനം വ്യാപിപ്പിച്ചുനാസ്ഡാക്കിലേക്കുള്ള പ്രവേശനത്തില്‍ വളരെയധികം സന്തോഷമുണ്ടെന്ന് എസ്എസ് ഇന്നൊവേഷന്‍സ് ഇന്റര്‍നാഷണല്‍ സ്ഥാപകനും ചെയര്‍മാനും സിഇഒയുമായ ഡോ സുധീര്‍ ശ്രീവാസ്തവ പറഞ്ഞു. ‘നാസ്ഡാക്കിലേക്ക് ലിസ്റ്റ് ചെയ്യുന്നത് എസ്എസ് ഇന്നൊവേഷന്‍സ് ഇന്റര്‍നാഷണലിനെ സംബന്ധിച്ചിടത്തോളം ആവേശകരമായ ഒരു നാഴികക്കല്ലാണ്, ലോകോത്തര എസ്എസ്‌ഐ മന്ത്ര സര്‍ജിക്കല്‍ റോബോട്ടിക് സിസ്റ്റം വികസിപ്പിക്കുന്നതില്‍ തങ്ങളുടെ ടീമിന്റെ നേട്ടങ്ങളെ പ്രതിഫലിപ്പിക്കുന്നു. ഈ സംവിധാനം ഉയര്‍ന്ന നിലവാരം, സുരക്ഷ, കാര്യക്ഷമത, താങ്ങാനാവുന്ന വില എന്നിവ വാഗ്ദാനം ചെയ്യുന്നു, ഇത് ആഗോളതലത്തില്‍ വിശാലമായ രോഗികള്‍ക്ക് അത്യാധുനിക റോബോട്ടിക് ശസ്ത്രക്രിയാ നടപടിക്രമങ്ങള്‍ പ്രാപ്തമാക്കുമെന്നും അദ്ദേഹം പറഞ്ഞു.